Søknadsfrist SFO skuleåret 2025/26 er 1. februar

Publisert 27. januar 2025

Kommunen har eit tilbod om skulefritidsordning før og etter skuletid for 1.-4. trinn og for barn med særskilte behov 1.-7. trinn. Skulefritidsordninga skal leggje til rette for leik, kultur- og fritidsaktivitetar med utgangspunkt i alder, funksjonsnivå og interesser hjå borna. Skulefritidsordninga skal gje borna omsorg og tilsyn.

Barn som allereie deltek i SFO-ordninga, treng ikkje søkje på nytt dersom ein ønskjer vidareføring av same type plass. Dersom ein ønskjer endring av plass, må ein søkje om dette.

Søk om SFO-plass her: https://foresatt.visma.no/luster

Opningstid og prisar

SFO si opningstid varierer mellom dei ulike skular/oppvekstsentra grunna ulike timeplanar ved skulane. Som følgje av dei ulike opningstidene i SFO er det også skilnad i kva plassalternativ som vert tilbydd i dei ulike krinsane. Opningstidene på den einskilde SFO og prisar for 2025 finn du her.