Kulturprisen

Kulturprisen er på kr 15 000 og eit diplom med dette motivet frå ytre Kroken av målaren J. Flintoe.

Luster kommune har sidan 1985 delt ut sin Kulturpris. Bakgrunnen for den kommunale kulturprisen har vore, og er framleis, å gje betre vilkår for kulturarbeidarar i kommunen, og for å vera til  inspirasjon for alle som driv aktivt kulturarbeid. Kulturprisen skal særleg vera ein honnør for oppofrande kulturarbeid.

Kulturprisen skal ikkje reknast som tilskot til planlagde oppgåver, men som ei påskjønning.  Kulturprisen kan delast ut til einskildpersonar, organisasjonar eller institusjonar som har utmerka seg i særleg positiv kulturell samanheng.

Kulturprisen vil bli delt ut kvart år, så sant det finst høvelege kandidatar.
Har du forslag til kulturpriskandidat kan du fylle ut dette skjemaet.