Fyrste del av møtet var oppummering etter høyringsrunden på kommuneplanen sin arealdel (KPA) (notat ligg i sak 11/25).
Tilsetjing av kommunedirektør:
Formannskapet har slutta seg til tilrådinga frå tilsetjingsutvalet og tilrår å tilsetje Jon Bolstad som kommunedirektør. Ole Gunnar Krakhellen er innstilt som nr. 2.
Tilsetjingsutvalet (ordførar Andreas Wollnick Wiese, varaordførar Geir Arve Sandvik, gruppeleiar for AP Gunn Beate Thorsnes Lefdal og hovudtillitsvald Grete Ulviksbakken) la fram si tilråding til formannskapet. Kommunestyret tilset i møte den 29. januar.
Busetjing av flyktningar
Formannskapet tilrår at kommunen buset 35 flyktningar i 2025, pluss eventuelle familiesameiningar. Om det er auka behov, kan kommunen busetje inntil 50 flyktningar. Kommunen har ikkje kapasitet og kompetanse til å busetje einslege mindreårige.
Breibandutbygging Ornes- Feigum
Formannskapet tilrår at det blir inngått avtale med Sognenett AS om fiberutbygging frå Ornes til Feigum, med kommunal medfinansiering på kr. 2 975 000.
Sjå opptak frå møtet i kommune-tv.
Fullstendig sakliste og saksdokument til formannskapet 23. januar.