På biletet kan du sjå Luster sine deltakarar John Havellen, Ken Jarle Johansen, Anita Midtun og Odd Atle Stegegjerdet saman med flesteparten av dei andre deltakarane utanfor rådhuset i Venlo i Nederland. Prosjektet samlar deltakarar frå Tyskland, Nederland, Frankrike og Noreg.
Her er ein liten videosnutt frå opphaldet i Nederland: (under filmen er der fleire bilete med tekstar)
Lustradelegasjonen på veg til Nederland. Frå venstre Odd Atle Stegegjerdet, John Havellen, Ken Jarle Johansen og Anita Midtun
Lustradelegasjonen legg fram sine synspunkt i plenum.
Det må endringar til...
Prosjektet har som hovudmål å kartleggja vilkåra for arbeid for yrkes- og utviklingshemma i dei fire deltakarlanda. Det overordna ønskjet er sjølvsagt å bidra til å påverka utviklinga, slik at FN sin konvensjonen (som seier at arbeid er ein menneskerett) ein gong skal verta ein realitet.
Prosjektet er lagt opp slik at deltakarane får høve til å møta og intervjua leiarar, politikarar, interesseorganisasjonar, yrkeshemma arbeidstakarar og andre i dei ulike landa som er med. Her møter og intervjuar delegasjonen frå Luster ein representant for nasjonalforsamlinga i Nederland. Yrkeshemma menneske skal sjølv vera med i utforminga og gjennomføringa av prosjektet. Alt blir behørig dokumentert, både skriftleg og i film og bilete.
Ken Jarle og Anita møter yrkeshemma arbeidstakarar i Venlo
Tulipanar er eitt av Holland sine varemerke. Her får John og Odd Atle tulipanar i tre som gåve frå arrangøren.