Ein god målestokk på dette er den årlege rapporten som Kommunal Rapport og Norsk Presseforbunds offentlighetsutvalg gir ut - Åpenhetsbarometeret. Her blir alle kommunane testa på mellom anna handsaming av innsyn, heimeside, søkefunksjonar på postlista og tilgang til offentlege dokument.
Resultat
I openheitsbarometeret for 2021 gjorde Luster det heller dårleg. Me kom på 42. plass i Vestland, og på 335. plass i Noreg. Dette måtte me gjera noko med! Det siste året har me gjort store endringar, som å fulltekstpublisera nokre saksområder på postlista, gjera postlista lenger tilgjengeleg enn tidlegare, me har starta med Kommune-TV, og oppdatert informasjon på heimesida. Me har også gjort dei historiske byggesak- og landbruksarkiva tilgjengeleg digitalt.
I år kom Luster på 13. plass i Vestland og på 78. plass av alle kommunane i Noreg! Me håpar at de som innbyggarar merkar skilnaden. Me lovar å halde fram arbeidet med å gjera informasjon og dokumentasjon lett tilgjengeleg for alle.
Dette vart målt i 2022:
- Responstid på krav om innsyn i revisor sin årsberetning for 2021.
- Søkefunksjonar på kommunen si postliste.
- Om kommunen legg ut klikkbare fulltekstdokument på postlista.
- Har nettsida kontaktinformasjon til politikarane?
- Har kommunen byggesaksarkivet på nett?
- Gir kommunen informasjon om innsynsretten etter offentleglova?
- Blir organinterne dokument journalført i kommunen si postliste?
- Kor raskt politiske saksdokument og vedtak blir publiserte.
- Blir SMS journalførte?
- Har kommunen ei førhandsbestemt, maksimal levetid for postlistene på nett?
- Kor langt tilbake går postlistene på nettsida?
- Er postlister for kommunale føretak (KF) publisert på nett?
Les meir om openhetsbarometret her