To veker med mykje juleaktivitetar. Her går det i filting, måling på kruser, klypping, liming og bretting. Mykje fint som vert laga, så gled dykk til jul.

Inne på SFO har me måla eit tre i glaset og pynta det med 24 hjerter og julekuler, dette brukar me som adventskalendar.  Ein unge vert trekt ut for å plukke ned eit hjerte eller ei julekule kvar dag. Dette gjer me nå me et frukt/mat.

Dei to siste fredagane har me fått servert tomatsuppe og kjøttbollar med potetstappe.

Då var enda ei veke gått. Litt ute og litt inne på SFO denne veka.

Onsdag hadde me ungdomskuleelevar på besøk.

Etter mat delte me i to grupper og hadde felles leik ute. Begge gruppene leika "mordar og dektektiv", ein leik som er blitt veldig populær. Det var litt kaldt ute og nokon fraus, så alle må passe på å ha med seg varme og rikeleg med klede.

Fredag fekk me servert heimelaga potetstappe, fiskepinnar og raspa gulrot. Avslutta veka med felles leikar i Aulaen, "maurleiken" og "haien kjem" og fri dans.

Fredag fekk de kansje høyre heime at det ikkje vart varmmat på SFO. Planen var å ha graut, men det gjekk ikkje slik. Å koke graut i dårlege panner går ikkje alltid lika bra. Mange vart nok ganske skuffa då me måtte kaste all grauten og dei fekk servert frukt i staden. Men som litt trøst fekk dei som ville gå i aulaen å sjå Donald Duck film. Som vart ein fin avslutting på veka.

Onsdag hadde me med oss to jenter frå ungdomskulen, alltid kjekt å få besøk på SFO.

Ruske ver har gjort at me har vore ein del inne, me ser at når ungane kjem på SFO på ettermiddagen har dei lite med tørre klede, både inne og ute klede. Fint om dei som er på SFO kan ha ekstra byteklede med seg.

Me fekk spørsmål om me vil vera med på å teikna til å pynta opp i i banken til sparebankveka, dei som har hatt lyst har gjort dettte. Så då me de ta dykk ein tur i banken å kika på dei flotte vinterteikningane som er verte laga.

Då var endå ei veke over, bra ver har gjort at me har vore mykje ute på SFO. Nokre ungar har veldi lyst å vere inne å leike istaden, men me ynskjer å vere ute så lenge veret tillet det. Det har gått mykje i fotballsparking, leik i jungelparken og teikning.

I haustferien vart det måla ein trestamme på glaset inne på SFO, dette har me tenkt å fylla med haustblader. Det er allereide komne nokre blader.

Denne veka har me hatt med oss Janne Melheim på leksehjelp og SFO denne veke, ho går barne og ungdomsarbeidar. Både voksne og ungar synst det er kjekt å ha ho på besøk. Ho vert med oss neste veke og.

Torsdag var det fysisk aktivitet i aulaen, då øvde me på "Bli med" dansen.

 Avslutta veka med tomatsuppe, makaroni og grove scones, og inneleik:)

Det var ikkje så mange ungar påmeldt denne veka, pluss at det var nokon som meldte avbud. Men me som var på SFO kosa oss både inne og ute på tur.

Måndag vart det tur til Grindane, her åt me nista vår og leika. innom leikeplassen på Bruflat på tilbakevegen. Innleik og fruktspyd på ettermiddagen.

Tysdag var det tur rundt Sandvikfelte med stopp på begge leikeplassane, og ein runde forbi Hanaskjære og Gardavegen. Avslutta dagen med eplekake som vart laga på morgonen.

Onsdag vart det tur til Judassvingen med niste og varm kakao i sekke. Avslutta dagen med dans og stolleik i aulaen.

Torsdag var det innedag heile dagen. Laga deig på morgonen og baka rundstykke som var til lunsj, med varm kakao til. Det som var til overs av bakeverk fekk ungane med seg heim.

Fredag gjekk turen til Engjadalen med bil. Herifrå vart det tur til Brunstegen -Sjåheim og mot Bergene. Åt lunsj på hytta til Gunn J. Spel og fri leik på slutten før det var retur til SFO og helg.