NIGARDSBREVATNET
5-ÅRINGANE PÅ FISKETUR
Barnehagen har som tradisjon at 5-åringane reiser på fisketur, med grilling,leik og båt-tur på Nigardsbrevatnet. I år er det Oda, Thekla, Siri-Elise, Lars-Andreas og Håkon som er 5-åringar.
Sjølv om vermeldinga ikkje lova så bra, pakka me fiskestengene i bilen og for avgårde. Me fiska og fiska, men fekk ikkje napp. So då måtte det bli pølser på grillen. Ein isklump kom flytande på vatnet, og den klarte me å få iland. Etterpå tok me "Jostedals-rypa" over vatnet, og fann oss eit fint svaberg å leike ved, og ete bokstavkjeks. Kjeksa brukte me til å finne ut kva dei ulike bokstavane heiter, og kven som har dei i namnet sitt. Fin tur med ein fin gjeng! ... og me kan ikkje klage på veret, då me hadde sol, lett bris, men ikkje regn!