Veke 22

Dei siste vekene har me hatt fleire "dagar" som er tradisjon i barnehagen.

Den første var sykkeldagen, me sykla så mykje me ville heile dagen på tennisbana. Å ha med seg sykkelen i barnehagen er kjempestas.

Den neste var 6-åringane sin dag. Det er ein viktig dag for dei som er eldst i barnehagen og snart skal begynne på skulen. Programmet for dagen er nesten det samme kvart år, det forventar borna frå kva dei har sett at andre har gjort tidlegare år. Dagen starta med bading på Fjordstova, då dei kom tilbake til barnehagen hadde dei andre borna pynta eit flott bord med kvit duk, blomster og bordkort og laga pizza. Etter mat såg dei film. Ein veldig kjekk dag!

Den siste var "hopp-opp-dagen". Denne dagen er 6-åringane på skulen ein heil skuledag. Dermed "hoppar" alle opp eitt år. 2012-kullet vart då eldst i barnehagen og var så heldige at dei fekk besøk av fadrane sine.