Innkøyringsperioden er over, og me er i gang med den tradisjonelle fadderordninga der storskulen les for 5 åringane i barnehagen og 1. og 2.klassingane.

Endeleg haustferie? Nei, det var ikkje det, i alle fall ikkje berre det - men endeleg ein dag me hugsa å ta bilete når alle elevane i storskulen var på plass! 

Ny start - og nye klassereglar på døra i klasserommet vårt. 

Parkeringsplassen ved vegaskjelet blir brukt for dei som går tur til Rebni og Rebnisli. Kan du ha mista nøkkelen din, eller kjenner du nokon som saknar ein nøkkel, så gje tips vidare om at den kan hentast på Skjolden oppvekstsenter.

"Ei verd i endring" er tema skulen jobbar med no. Nyheitsbiletet har lenge vore prega av flyktningkrisa, og verda og livet er for mange i stor endring. Me oppfordrar difor elevane til å gjera noko praktisk for å samle inn pengar som kan vera til hjelp. Arbeidsoppgåvene kan vera mange og varierte, det er opp til kvar heim å finne ut kva som passar dei best. Neste fredag samlar me inn konvoluttane att, og det blir spennande å sjå kor mykje 36 ungar klarar å samle inn. 

Det er ikkje rart at skuledagane går fort når me ser tilbake på alt me har gjort dei to siste vekene!

Denne veka har det vore mange prøvar i 5-7.klasse. Det har vore M-prøvar, kapittelprøvar og nasjonale prøvar. Heldigvis så har me hatt tid til andre ting òg. Tysdag var me på konsert i Luster. Det var ein reise gjennom Europa med trekkspel. Me var i Bergen, Paris, Moskva, Ungaren og så tilbake til Noreg. Veldig flinke musikarar og ei kjekke oppleving! Elles har det vore ei flott skuleveke i eit nydeleg vêr!