Veke 17

Den siste veka har me vore masse ute på tur. Dei i den minste gruppa fann endeleg vårteiknet dei har leita etter: hestehov! Det er alltid mykje kjekt å sjå på på tur, ein dag fekk ungane lov til å ta bilete sjølve, resultatet vart mange interessante bilete. Artigt å sjå kva ungane vil ta bilete av, det er gjerne nok heilt anna enn det me vaksne ville ha teke bilete av.

Ein annan dag var me på tur til den nye trimposten Bolstadmoen/Vikjane. Me hadde med oss niste og var der heile dagen.

2010 har vore på to arrangement i regi av den kulturelle skulesekken (DKS). Det eine var i Gaupne, det var eit skodespel som handla om følelsar. Det andre var på skulen her, det var ein fiolinist som heitte Daisy Jopling som spela all slags musikk til oss, høgdepunktet var når ho spelte "Frost-sangen" (Let it go).