Ny, flott skidag på Hauge

Ny veke, og ny skidag på Hauge. :)

Me kom oss raskare av garde, og turen bort gjekk også fortare. Rart med det, ikkje mykje trening som skal til før ein merkar at det går betre!

Denne gongen hadde me også sekkar med niste og ekstra vottar med oss. Det trengte me, for det var kaldare i dag. God aktivitet i bakken i dag også, og me utvida aktivitetane med ei slalåmløype i tillegg til porten og hoppbakken.

Fleire meldte seg til å gjere opp bål, og jammen greidde me det på fyrste forsøk, imponerande! Veldig godt å få varme seg rundt bålet, for det er fort ein merkar at kulden kjem krypande innunder jakkene og oppi skoa når ein sit i ro ei stund. 6.klasse hadde laga pinnebrød, så dei medbrakte pølsene vart godt innpakka og grilla. Kakao gjekk ned på høgkant, mens nokre gløymte heilt å byrja å drikke... Etter ein kort eller lengre matpause var det oppatt i bakken for nye utfordringar og for å få varmen att i tèr og fingrar.

Tusen takk til Johannes og Elin for at me får låne denne supre plassen, me kjem gjerne att!