Munch

I kunst og handverk jobbar me fortsatt med bilete, og elevane fekk utdelt kvar sine ark med nokre figurar på. Desse skulle dei klippe ut, fargelegge og lage bilete av dei. Det vart mange forskjellige innfallsvinklar og bruk av figurane, veldig moro å sjå kor ulike bileta vart - med det same utgangspunktet. Då bileta var ferdige, presenterte kvar elev sitt bilete, kva dei hadde tenkt medan dei arbeidde med figurane, fargeval, historien bak bilete, tittel osb.

Etterpå fekk dei sjå mange forskjellige bilete av Munch, og då kjende dei att figurane dei hadde brukt - og som heilt noko anna!

"Åååh, var det det det var?" "Ha ha, sjå på den! Det hadde ikkje eg tenkt på..."

No blir det spennande å sjå den vidare utviklinga av prosjektet om Munch, det skal i alle fall ende opp med ei kunstutstilling der dei som stikk innom skal få sjå nøyare på alle dei flotte kunstverka!