Munch-utstilling
Lite skrik, men mykje flott å sjå!
No er endeleg dagen komen, og utstillinga er klar. Me har jobba med Munch i perioden som var, og resultatet kan de no sjå i ei flott utstilling i allrommet!
Her har heile oppvekstsenteret drege lasset i lag, og bidrege med sitt til utstillinga. Utstillinga var open frå 12:30 - 15:00 i dag, og dei besøkande fekk servert velkomstjus og kanapèar. Viss dei ville ha meir i magen, var det mogleg å kjøpe nylaga, lunken eplekake med vaniljesaus, kaffi og saft.
Det var mange godord å høyre blant dei frammøtte, og no veit me at me har mange kunstnarar i ungeflokken vår!! Mange måleri med utgangspunkt frå Munch sine bilete, men nokre med ein heilt ny vri :) I klasseromma var det også mykje å sjå, både teikningar, skriv, fotografi og måleri. Engelske skildringar, spørsmål og søknader til ulike jobbar hjå Munch kan ein også lese i allrommet, så det er litt av kvart å sjå på skulen no om dagen!
Utstillinga skal stå framme ei veke, så har du høve så stikk innom og sjå! Velkomen!