Knall på loppemarked!

5.-7.klasse har førebudd seg til loppemarked i dag, og spente var me før me kunne ynskje dei handlande velkomne inn.

Og dei lot ikkje vente på seg! Mange var interesserte i å sjå på alle loppene, og pengane satt laust i lommeboka :) I tillegg til mange flotte lopper og moglegheiter for å gjere nokre knallgode kupp, var det også mogleg å få kjøpa seg ein kaffikopp med noko attåt og slappe av i klasserommet før ein tok ein ny runde då det plutseleg vart halv pris på alle loppene. Då vart det ny fart i salet, og loppene fekk nye eigarar.

Me hadde også annonsert loddsal med hemmeleg premie. 5 min før loppemarkedet stengde, vart den heldige vinnaren uttrekt - og ho vann 1 time med gratis arbeid frå arbeidsgjengen i storskulen! Gratulerer så mykje med premien, og ryktet seier at det var mange gode tips på kva arbeidsoppgåvene kunne vere....

Eit utruleg og FANTASTISK resultat av kvelden, i tillegg til at det var både godt og moro, var at klassekassa auka med heile (hold deg fast!) 8 257 kr!!

Så TUSEN TAKK til alle som støtta oss, både med å levere og å kjøpe lopper!!