VEKE 5 OG 6

VEKE 5: Me var ute kvar dag etter mat. Det gjør godt for liten og stor å være ute litt. Ungane er aktive og kreative i leiken ute i snøen. Me har gått inn litt utpå ettermiddagen, og då har det vore ulike inneleikar. Nokre av borna er glad i å perle og å teikne, medan andre likar seg godt i borgen og/eller på klosserommet. Dokkekroken er alltid populær. Me avslutta veka med fredagskos. Frukt, popcorn og film. Superpopulært.

I veke 5 hadde me pølser i brød/lompe til varmmat om onsdagen.

VEKE6: Denne veka har me lufta oss litt kvar dag, for me tykjer det er viktig. På torsdag var me og plukka fastelavensris som me har sett i vatn.Ungane var kjempeflinke til å finne bjørkegreiner. Me har og starta med forberedingar til karnevalet vårt som me skal ha etter vinterferien.

På tysdag vart det servert tomatsuppe m/makaroni.

Me har hatt to studentar med oss frå vidaregåande i Sogndal desse to vekene. Dei skal og vere med oss fire torsdagar framover. Dei går på helse og oppvekstlinja.