VEKE 46
Nok ei veke blir til helg, og sfo,en vår har hatt ei kjekk veke med ulike aktivitetar. Me maler, teiknar og perler. Nokre av borna vevar, medan andre fingerstrikker eller heklar. Det meste me lagar no har me ein plan på, men kan ikkje skrive alt her. Vekene fram mot Jul spring fort, og som me alle veit, lyt det vere litt hemmelegheiter framover.
Onsdagane er fast RØRIS dag, og me er veldig imponert over borna sin innsats. Me ser no at dei kan mykje av programmet, og at det derfor er lettare for dei fleste å henge på. Kjekt for både liten og stor.
Varmmat denne veka hadde me på tysdag. Då serverte me fiskeburgarar med salat. Veldig populært med burger sjølv om det er fisk inni. Tommel opp for alle fiskespisande borna våre. Fredag hadde me kakao attmed brødmaten vår.
Ønsker alle ei god helg. Bruk den godt.
