Me var heldige med vêret og hadde ein både lærerik og koseleg tur frå øvst i Mjølversgardane og inn til Liastølen. 1.klassingane gjekk i lag med dei flinke fadderane sine, og me stoppa både på Li, i Leteigen, på Liastølen og ved tuftene til gamleskulen på Røvomn. Me såg òg ei kjempesvær ørn!

I år vil me nytte ein felles metode for å få inn skrivetrening i små drypp. Alle elevane har ei bok som vert kalla "Skriveboka mi" der lærarar i ulike fag kan gi små skriveoppgåver til avgrensa tid. Når tida er ute, er oppgåva over. Det er ikkje fokus på rettskriving, det skal vere trening i å få tankar ned på papiret. Her ser de bøkene til 6.-7.klasse.

Måndag kl 9 startar fyrste skuledag i nytt skuleår. På foreldremøtet for nye fyrsteklasseforeldre før sommaren, vart me oppmoda om å legge ut informasjonen frå møtet skriftleg på nettet. Denne informasjonen har me kalla "Hugseliste til skulestart", og sjølv om det er informasjon me har gjeve før, kan det vere fint å sjå gjennom òg for foreldre som har eldre ungar i skulen. Skuledagen måndag er kl 9-14, med leksehjelp og sfo etterpå for dei i 1.-4.trinn som nyttar dette tilbodet. Klikk "Les meir" for å finne hugselista til skulestart. Me gler oss til å treffe alle elevane fyrste skuledag!

Dei to laga endte utruleg nok på same poengsum (forrett, hovudrett og dessert dømd etter utsjånad, smak og sunnheit) frå dei to uavhengige dommarane Randi og Mette. Laget som vann, vart laget som hadde det bittelille ekstra, dei hadde vatn med lime og sitron i, veldig godt!

Elevane har bakt kaker og sel varme vaflar til inntekt for skuleturen sin i starten av juni. Dei skal til Bergen og sjå Bryggen, Akvariet, VilVite og Fløyen med Arvid og Marie, og håpar dei får råd til å ta Flåmsbana på vegen heim.

Hugs kontantar!

Grunna fråfall i personalet vart Rydd eit kulturminne utsett til neste veke, og ryddedugnad etter vinteren framskunda til i dag i staden for neste onsdag. Elevane i 5.-7. fordelte seg på strekningane frå skulen til kyrkja, frå Breheimsenteret til Gjerde og frå Gjerde til skulen og plukka bos på begge sider av vegen. Veldig bra dugnadsinnsats frå dei flinke, ivrige elevane våre!