Takk for i fjor, no er me glade for å ta fatt på eit nytt år!

For tredje gong er me med på "Omvendt julekalender" frå SOS barnebyer der slagordet er "gje i staden for å få". I år er det ekstra fokus på SN (FN) sin barnekonvensjon som har 25 - årsjubileum. Sjå ein liten videosnutt for kvar skuledag i desember her (desse ser klassene i lag på skulen). I tillegg til å lære litt om barnekonvensjonen og om korleis born har det andre plassar i verda, kan elevane samle inn pengar til aksjonen ved å gjere småjobbar heime der lønna skal gå til aksjonen. Alle får med ein konvolutt heim som dei kan samle pengane for slike småjobbar i, og så leverer dei konvolutten på skulen den siste veka før jul. På den måten vil ingen sjå kor mykje eller lite det er frå kvar.

HER er lenkje til sida der me kjem inn på det første spelet (frå Frozen) som lærer oss koding. HER er det andre spelet me prøvde. Det går fint an å halde fram heime - det hemmelege passordet til kvar elev står på ein lapp som ligg i leksemappa! 

Sett opp kvissen på ein skjerm alle ser, og ta kvissen med nettbrett eller smarttelefon eller pc/mac - ein dings per lag. Viss det er vanskeleg, vil de forhåpentlegvis få sjå korleis ein gjer det på JSA-sleppfesten på hotellet laurdag 29.november. Gå inn HER for å prøve!

Både på skulen og i barnehagen er me no godt i gang med Forut-aksjon der me lærer om ungane Biswas og Nischal og korleis dei har det heime, i barnehagen og på skulen i Nepal. Det er mykje som er annleis enn i Noreg, men òg mykje som er likt! Me ser filmar, høyrer historiar, teiknar, skriv og lagar mat frå Nepal. 23.oktober vil me avslutte aksjonen med ein Forut-festival for heile bygda på Samfunnshuset.

Me var heldige med vêret og hadde ein både lærerik og koseleg tur frå øvst i Mjølversgardane og inn til Liastølen. 1.klassingane gjekk i lag med dei flinke fadderane sine, og me stoppa både på Li, i Leteigen, på Liastølen og ved tuftene til gamleskulen på Røvomn. Me såg òg ei kjempesvær ørn!