Kvar haust har heile skulen ein fellestur i lag, der me vert kjent med ulike turar i nærmiljøet. I år er det turen frå Vigdalen forbi Brevsteinen og ned til Ormbergstølen, og då har me fått med oss kjentmann Kristen Ormberg som vegvisar og historeforteljar. Me reiser frå skulen ca kl 10, så alle må følgje bussen som vanleg om morgonen. På vegen heim kan dei som bur nedanfor Høgebrui gå av på vegen - men 1.-4.klassingar må ha med melding om dei skal det. 

Hugs drikke, god niste og klede etter vêret. Lov med ein liten tursjokolade (storleik som "Kvikk Lunsj")

I engelsktimen på måndag laga 3. trinn english breakfast, 4. trinn var inviterte som gjester. I denne økta snakka me nesten berre engelsk.

Sjå bilete frå den fine førjulstida med mykje samarbeid mellom skulen og barnehagen. Både skule og barnehage startar opp tysdag 5.januar i 2016. Takk for i år!

No er haustaksjonen til inntekt for born på flukt i/frå Syria avslutta, og me fekk inn 13200 kroner! Det er me stolte av, men like viktig er det at ungane ved oppvekstsenteret lærte om born på flukt og andre ting knytt til flyktningekrisa. Me vidarefører solidaritetsarbeidet no i desember mellom anna med "Omvendt julekalender" på skulen. Dette er eit opplegg laga for skular der me kvar dag ser ein liten videosnutt frå ulike born sin situasjon rundt om i verda, og elevane her kan avtale å gjere små jobbar heime som dei får pengar for frå foreldra og leverer i ein lukka konvolutt kvar tysdag fram til jul (ingen ser om det er pengar i konvolutten eller ikkje). Sjå gjerne dagens kalenderluke i lag heime!