Møte med fadrane

Det er kjekt å ha og å vere fadder! Elevane i 5.klasse er fadrar for 5 åringane, og dei er nye frå i haust. 6.klassingane er fadrar for 1.klassingane, og 7.klasse for 2.klassingane, som dei kjenner frå før, sidan det er dei same fadrane og fadderungane som dei hadde frå 5.klasse.

Me har treft og helsa på kvarandre i klasserommet, vore på tur til Feigefossen og no har me også starta med lesinga i barnehagen og på skulen. Etter at storskule-elevane har lese ei stund, er det også tid til litt spel. I dag fekk fadderungane læra storskuleelevane eit nytt spel - så her er det læring begge vegar!

Dette er ein fin tradisjon som me vil fortsetja med, og øktene er kvar tysdag så lenge det ikkje er noko anna spesielt som skal skje.