2. kl
Jan Magnus Bruheim, Tindra og 1.-3.klasse
"Den kvite hjorten"
BILETSERIE FRÅ "Den kvite hjorten" tysdag 25.feb - både frå framsyninga for skulen og barnehagen og frå framsyninga for foreldre og søsken om ettermiddagen.
Etter fastelavn er det
Karnevalstider
Skulen har karneval på kveldstid måndag 3.mars kl 17.30-19.45. Det vert servert heimelaga pizza (+pølser til dei som ikkje vil ha pizza), lov å ha med 1/2 liter brus for dei som vil (skulen har saft).
I barnehagen er det karneval på dagtid torsdag 6.mars.
Fredag før vinterferien:
DKS - konserten "Fart!"
Fredag kjem distriktsmusikarar frå Førde til Jostedal med konserten "Fart!". Me får møte Helga Lied Wyrtz på fløyte, Akiko Anazawa på piano og Arvid Anthun på trompet. Konserten handlar om at fart påverkar oss heile tida.
To urfolk:
Samane og maoriane har nasjonaldag 6.februar
I dag er ein merkjedag både i Noreg og på New Zealand - det er samisk nasjonaldag og nasjonaldag på New Zealand. Me var så heldige å få besøk av våre eigen lokale "kiwi" Andy Cullens, som fortalde om New Zealand og maoriane, og knytte dagane til dei to urfolka saman. New Zealand feirer nemleg sin nasjonaldag fordi det var denne dagen i 1840 at maoriane underteikna sin traktat med engelskmennene.
OBS: Hugs at skuleruta ikkje kan ta med ski og stavar!
Skidag Heggmyrane torsdag
Torsdag 13.februar er det skidag for heile skulen på Heggmyrane.
For dei som følgjer skulebussen om morgonen, må ski og stavar leverast på skulen av foreldre, skulebussen har ikkje løyve til å frakte skiutstyr!
Foreldre som ynskjer å vere med og hjelpe i bakken, kan ta kontakt med skulen innan måndag. Me har (som me brukar) spurt nokre av førarane i dalen om å vere med oss òg.
Boktimen får merksemd utanbygds, og skulen har trekt vinnarar av Juleles
Leselyst i skule og barnehage
Å vere glad i å lese er ein hjørnestein for ungar vidare i livet, og er difor noko me i skule og barnehage jobbar mykje med. I barnehagen set me fokus på leselyst og høgtlesing m.a. gjennom bibliotek med utlån i garderoben, og med "Boka mi" kvar veke. Skulen hadde no i jula ein kampanje for å lese eller bli lesen for kvar dag ("Juleles"), og i dag trakk me ut nokre av deltakarane som fekk velje nye bøker til klassebiblioteka sine.
5-åringane på nytt skulebesøk
Skulebesøk
I dag var 5-åringane på nytt skulebesøk - her kosar alle seg med mat i lag med "skulehjelparen". Det var så god byggeleik på slutten at me måtte forlenge besøket litt.
Les kvar dag i ferien - og vinn meir enn dei hyggelege stundene!
Juleles Jostedal
Me på oppvekstsenteret vil nytte høvet til å minne alle om kor koseleg det er å lese litt i juletida, og i tillegg er det å lese og bli lesen for noko av det viktigaste for å klare seg godt i verda. Som ei hjelp til å hugse på lesinga, har me laga til ein konkurranse for alle elevane på skulen. Det går ikkje på kor mange sider eller bøker eller kor lenge ein les, men på kor mange dagar ein har lese. Teikneseriar tel òg!