Samarbeid med heimen
Den kulturelle skulesekken onsdag 24.sep kl 17 i Dølaheimen
Gratiskonsert: "Blues for borna" - ope for alle!
I samarbeid med ungdomslaget tek me imot DKS-konserten "Blues for borna" i Dølaheimen. Konserten varer om lag ein time, med veldig flinke musikarar: Eirik Bergene, Alexander Pettersen og Erik Harstad. Elevane deltek i delar av konserten, og dei har eit førebuingsopplegg i forkant (dei avspaserer den ekstra skuletida seinare). Ungdomslaget står for praktisk tilrettelegging og noko enkel servering (ta med kontantar!). Etter konserten vil Jostedal Rockeverkstad ha informasjonmøte om nye tilbod i haust.
Referat frå felles foreldremøte 28. august 2014
Hovudsaker: Satsingsområdet SPRÅKUTVIKLING og idémyldring om kva me skal bruke pengane frå banken til
Prioriterte tiltak 2014/2015
Satsingsområde SPRÅKUTVIKLING
Me er no inne i det andre året med språkutvikling som eitt av to satsingsområde etter at me tok Ståstadanalyse for skule og for barnehage våren 2013. Under følgjer ei liste over prioriterte tiltak for inneverande skule- og barnehageår. I tillegg jobbar me sjølvsagt med språkutvikling på mange plan i kvardagen både i skule og barnehage, men tiltaka under er enten litt nye, er særskild viktige for samarbeid mellomskule/barnehage og heim, eller dei går på tvers av alderstrinn og fag.
Oppfølging frå foreldremøtet
Personvern - film for elevar og føresette
Dette er ein av filmsnuttane me ikkje fekk synt fram på foreldremøtet - det handlar om personvern for born, og filmen vil bli brukt som ein del av nettvet-opplæringa til elevane (4.-7.klasse) på skulen. Filmen er støtta av m.a. utdanningsdirektoratet, og ligg på nettsida DUBESTEMMER.NO. Der ligg òg ein del andre filmar og anna materiell for både skule og føresette.
Kven er med i dei ulike rådsorgana?
Råd og utval - oversikt 2014/2015
Foreldreutval, Foreldreråd, Foreldrearbeidsutval (FAU), Elevråd, Skulemiljøutval (SMU) og Samarbeidsutval (SU)
Felles for alle foreldre i skule og barnehage:
Foreldremøte 28.aug (kl 19.30) - saker
Stad: I matsalen på samfunnshuset
Saker: Satsingsområde 14/15 (m/presentasjon av Luster kommune sin nye leseplan for skule og barnehage), medievaner og skjermtid, bruk av pengegåve frå banken, trivsel og læringsmiljø, praktisk info (m.a. skuleskyss)
Foreldrekontaktar møter kl 19, konstituering av FAU (skule) og samarbeidsutval (skule og barnehage)
Fylkeskommunen innfører nytt system hausten 2014
Skuleskyss
Dei som har rett på skyss (meir enn 2 km skuleveg for 1.klassingar, 4 km for 2.klasse og eldre) fekk første skuledag nye, elektroniske busskort. Her følgjer nokre presiseringar:
Fyrste skuledag måndag 18.august kl 9-14
Velkomne!
Måndag kl 9 startar fyrste skuledag i nytt skuleår. På foreldremøtet for nye fyrsteklasseforeldre før sommaren, vart me oppmoda om å legge ut informasjonen frå møtet skriftleg på nettet. Denne informasjonen har me kalla "Hugseliste til skulestart", og sjølv om det er informasjon me har gjeve før, kan det vere fint å sjå gjennom òg for foreldre som har eldre ungar i skulen. Skuledagen måndag er kl 9-14, med leksehjelp og sfo etterpå for dei i 1.-4.trinn som nyttar dette tilbodet. Klikk "Les meir" for å finne hugselista til skulestart. Me gler oss til å treffe alle elevane fyrste skuledag!
Sommar i barnehagen
Endå eit barnehageår er snart til ende. Framleis er det litt aktivitet i barnehagen, men frå 14. juli t.o.m. 27. juli er barnehagen stengt.
Me vil takke alle for eit godt samarbeid i året som er gått, og ynskjer alle ein god sommar!
Frå kl 15.30
Grillfest for barnehage og sfo torsdag 12.juni
Velkommen til årets Grillfest i barnehagen. Tradisjonen tru, tek alle med det dei treng av grillmat. Me i barnehagen syter for varme grillar, is og brus til ungane, og kaffi og kaker til dei vaksne. Me minner om at foreldra har ansvar for eigne ungar under festen. Ta gjerne med søsken, besteforeldre og andre som måtte ynskje det. Vel møtt!