Ny rektor og styrar ved Indre Hafslo oppvekstsenter

Vegar Volle er tilsett som ny styrar og rektor ved Indre Hafslo oppvekstsenter. Volle har lang erfaring frå oppvekstsektoren med nærare 14 år som lærar i høyangerskulen og dessutan ein kortare periode som pedagogisk leiar i barnehage. I tillegg har Volle i fleire år arbeidd som journalist. Me ønskjer Volle velkomen til lustrabarnehagen og lustraskulen. Han vil ta til i stillinga medio september.