Byggefeltet Kvitevollen vart regulert i 2009. Feltet har åtte nye tomter og ei eksisterande tomt (tomt 1). Tomtestorleiken varierer frå knappe 700 m2 til 1000 m2. Feltet ligg flott til ca. 20 m over havet med utsyn over Lustrafjorden og bygdesenteret Luster med Dale kyrkje. Feltet vender mot sør-aust og har lang solgang om sommaren og sol heile året.
Feltet ligg i gangavstand og har gangveg til butikk, bakeri, barnehage og skule. Frå øvste tomta i feltet er det 350 m å gå til butikk og busshaldeplass, 400 m til bakeri, 700 m til barnehage og 750 m til skule. Feltet ligg ca. 15 km frå kommunesenteret Gaupne, 27 km frå Turtagrø som er innfallsporten til Sognefjellet og 42 km frå Sogndal.
Ledige tomter i feltet
