Luster kommune minner om at det er bandtvang jf. hundelova og for forskrift om bandtvang i Luster kommune.
Bandtvang i Luster kommune er frå 1. april til og med 1. november i dei områda der husdyr har rett til å beite og faktisk beitar.
Luster kommune oppmodar alle som ferdast både i innmark og utmark til å
- seie i frå til hundeeigarar som ikkje overheld bandtvangen
- å varsle om lause hundar til politiet på telefon 02800 for å unngå uynskte hendingar
Vest Politidistrikt og Statsforvaltaren i Vestland har starta ein felles informasjonskampanje for turgåarar. Plakatar med teksten "Hugs bandtvang" og informasjon om brot på hundelova vert i desse dagar hengt opp rundt i fylket der turgåarar kan møta beitande dyr. Brot på hundelova kan straffast med bøter, erstatningsansvar, forbod mot hundehald og krav om avliving av hund, alt etter alvorsgrad og omfang.
Les meir hjå Statsforvaltaren i Vestland