Verktøylinje
Forskrift om politivedtekt, Luster kommune, Sogn og Fjordane
Trykk Escape for å lukke innholdsfortegnelse
- Forskrift om politivedtekt, Luster
-
Kapittel I. Allmenne føresegner (§§ 1 - 2)
- § 1. Offentleg stad
- § 2. Festar, brukar, leigar eller styrar av hus eller grunn
Ditt søk ga dessverre ingen treff.
Del dokument
Forskrift om politivedtekt, Luster kommune, Sogn og Fjordane.
Fastsett av Luster kommunestyre 18. november 1998 med heimel i lov av 4. august 1995 nr. 53 om politiet § 14. Stadfesta av Justis- og politidepartementet 7. desember 1998. Endra 31 des 2006 – sjå lov 4 juli 2003 nr. 74 § 32.
Kapittel I. Allmenne føresegner
§ 1.Offentleg stad
Med offentleg stad er i denne vedtekta meint gate, veg, her medrekna fortau, stig, park, torg e.l., plass, bru, bryggje, kai, strand, anlegg eller annan stad der det er allmenn ferdsle eller som er bestemt for allmenn ferdsle.
🔗Del paragraf§ 2.Festar, brukar, leigar eller styrar av hus eller grunn
Skyldnad som er lagd på eigar av hus eller grunn, kviler også på den som festar, brukar, leiger eller styrer hus eller grunn.
🔗Del paragrafKapittel II. Orden på offentleg stad
§ 3.Ro og orden på offentleg stad
På eller like attmed offentleg stad må ingen vere med i oppstyr, samanstimling, larm eller bråk som skiplar den allmenne orden eller ferdsel.
Når mange menneske samlar seg nær inngang til forsamlingslokale, sportsplass, utsalsstad, stoppestad e.l., skal dei stå i kø og elles rette seg etter dei pålegg som politiet eller arrangøren gjev for å halde oppe den allmenne orden eller for å regulere ferdsla.
🔗Del paragraf§ 4.Song og musikk, reklame m.m.
Den som på eller ut mot offentleg stad vil føre fram song eller musikk, skipa til framsyning eller gjere bruk av høgtalar, må på førehand gje melding til politiet.
Det same gjeld den som på eller nær offentleg stad ynskjer å dele ut eller spreie opprop, lysingar, reklame e.l., eller bruke gåande, køyrande eller flygande reklame.
🔗Del paragraf§ 5.Farleg eller skremmande verksemd
På, ut over eller like attmed offentleg stad er det forbode:
Det er forbode å bere ladd skytevåpen på offentleg stad.
🔗Del paragrafKapittel III. Sikring av ferdsla
§ 6.Hindringar
På eller ut over offentleg stad er det forbode å setje eller hengje noko som kan vere til hinder eller ulempe for ferdsla.
Markiser skal vere festa så høgt at underkanten minst er 2,50 m over bakken.
🔗Del paragraf§ 7.Sport, leik
Politiet kan setje forbod mot aking og andre former for sport, leik eller spel på bestemt offentleg stad der dette er påkravd av omsyn til ferdsla eller den allmenne orden.
🔗Del paragraf§ 8.Sperring av fortau m.v.
Krev byggjearbeid e.l. at gate, veg eller annan offentleg stad vert heilt eller delvis sperra for ei avgrensa tid, lyt ein på førehand søkje løyve frå politiet. Politiet kan setje nærare vilkår for løyvet.
🔗Del paragraf§ 9.Sprengingsarbeid
Sprengingsarbeid på eller like attmed offentleg stad skal meldast til politiet på førehand. Politiet kan krevje særlege tryggingstiltak.
🔗Del paragraf§ 10.Diverse arbeid
Reising, riving eller reparasjon av bygning, graving eller anna arbeid på eller ut mot offentleg stad der det kan bli fare for ferdsla, skal på førehand meldast til politiet. Politiet kan fastsette korleis arbeidsstaden skal sperrast og krevje andre tryggingstiltak til vern for publikum.
🔗Del paragraf§ 11.Vedlikehald av bygning m.v.
Ved vedlikehald av bygning m.v. på eller ut mot offentleg stad pliktar den ansvarlege for arbeidet å setje opp avvisarar som gjer det tydeleg at det er farleg eller til ulempe å ferdast der.
🔗Del paragraf§ 12.Avvisarar
Når det er fare for at snø eller is kan falle ned frå hustak mot offentleg stad, skal eigaren straks sette opp avvisarar som gjer det tydeleg at det er farleg å ferdast der, og snarast syte for at taket vert rydda.
🔗Del paragraf§ 13.Fjerning av sperring
Sperringar, avvisarar, stigar e.l. må takast bort når arbeidet som nemnt i §§ 9, 10 og 11 er gjort eller når faren som er nemnt i § 12 ikkje lenger er til stades.
🔗Del paragraf§ 14.Ferdsle på frose vatn eller sjø
Politiet kan av tryggingsgrunnar sette forbod mot eller gje regulerande føresegner for ferdsla på vatn eller sjø som er frose.
🔗Del paragrafKapittel IV. Reinhald på offentleg stad
§ 15.Avløp for vatn
Eigar av hus eller grunn mot offentleg stad skal sørgje for at avløp for vatn i fortau, rennestein, grøft e.l. vert halde ope.
🔗Del paragrafKapittel V. Hindre tilgrising
§ 16.Hindre tilgrising o.l.
På, ut over eller like attmed offentleg stad er det forbode:
Dette gjeld likevel ikkje oppslag på tavler e.l. som kommunen har godkjent til slikt bruk, eller oppslag på eigedom om tilhøve som berre høyrer eigedomen til eller næringsverksemda til dei som bur der.
Det er forbode å rive, skade eller skjemme oppslag som er lovleg sett opp.
Oppslag skal fjernast når dei er forelda.
§ 17.Avfall
Den som driv med sal frå portrom, kiosk e.l., eller som driv anna liknande næringsverksemd på eller ut mot offentleg stad, skal syte for at området ikkje vert skjemt eller skitne til av verksemda, og pliktar å syte for at det blir sett opp mange nok korger for papir og avfall.
Den som arrangerer tilstelling på offentleg stad, skal syte for at papir og anna avfall blir fjerna etter arrangementet.
🔗Del paragrafKapittel VI. Offentlege anlegg
§ 18.Kyrkjegard
På kyrkjegard er det forbode å sykle, ake eller å drive sport, leik eller anna som ikkje sømer seg der.
Det er forbode å trengje seg inn på kyrkjegard når den er stengd for besøk.
Kapittel VII. Dyr
§ 19.Husdyr m.m.
Det er forbode å la hest, storfe, sau eller geit gå laus på eller ved tettbygd strok på offentleg stad utan forsvarleg tilsyn.
Sirkusdyr eller ville dyr må ikkje førast på offentleg stad utan løyve frå politiet.
🔗Del paragraf§ 20.(Opphevd)
§ 21.(Opphevd)
§ 22.(Opphevd)
Kapittel VIII. Arrangement på offentleg stad m.v.
§ 23.Søknadsplikt for arrangement på offentleg stad
Den som på offentleg stad vil lage til arrangement som hovudsakleg er av underhaldande, kunstnerisk, selskapeleg eller kommersielt slag, som har ein storleik som openbert vil føre til behov for omfattande reguleringar av ferdsla eller vakthald, må søkje om dette innan ein frist som politiet set. Politilova § 11 gjeld tilsvarande.
🔗Del paragraf§ 24.Meldeplikt for allment tilgjengelege arrangement utanfor offentleg stad m.m.
Den som vil lage eit arrangement som er allment tilgjengeleg, må sende melding i god tid til politiet. Dette skal gjerast sjølv om arrangementet ikkje går føre seg på offentleg stad, når det er truleg at det vert naudsynt med polititilsyn for å sikre ro og orden eller avvikling av trafikken på grunn av storleiken på eller karakteren av arrangementet.
Plikt til å melde frå gjeld òg samkome med dans eller anna tilstelling som overvegande er av selskapeleg eller underhaldande art for medlemmer av ei foreining eller liknande samanslutning. Politilova § 11 gjeld tilsvarande.
🔗Del paragrafKapittel IX. Born
§ 25.Offentleg dans e.l.
Born under 15 år har ikkje tilgjenge til offentleg dans eller liknande allment tilgjengeleg tilstelling utan at dei er saman med foreldre eller andre føresette.
🔗Del paragrafKapittel X. Ymse føresegner
§ 26.Forsømming av plikt
Forsømmer nokon å utføre det vedkomande har plikt til etter vedtekta eller etter pålegg gjeve med heimel i vedtekta, kan politiet på vegne av vedkomande setje dette i verk. Den som har forsømt pliktene må dekkje utgiftene.
🔗Del paragraf§ 27.Straff
Brot på vedtekta eller pålegg gjeve i medhald av vedtekta, vert straffa etter politilova § 30 nr. 4, om ikkje tilhøvet kjem inn under strengare straffepåbod.
🔗Del paragraf§ 28.Iverksetjing
Denne vedtekta tek til å gjelde 1 månad etter at ho er stadfesta av Justis- og politidepartementet. Forskrift av 25. november 1965 nr. 4584 om politivedtekt, Luster kommune, Sogn og Fjordane fell bort frå same tid.
🔗Del paragraf